MAA, Dur hu na tujhse

Maa tu sab jaanti hai mai jaanta hu..
Magar phir bhi tujhse kuch keh nahi paata..
Dur hu na tujhse isliye aksar kuch baate yun hi chupata hu..

Jaanta hu Maa tu mere rag rag se waakif hai..
Par phir bhi mai kuch baate kehne se katrata hu..
Dur hu na tujhse isliye aksar kuch baate yun hi chupata hu..

Chahe kitna bhi pareshan rahu mai yaha pe Maa..
Haal puchne par hamesha ek dum thik hu yahi batata hu..
Dur hu na tujhse isliye aksar kuch baate yun hi chupata hu..

Yaad aati hai teri to khoob rota hu, gidgidata bhi hu..
Aur tujhse do baat karne ka sochta hu phir wahi ruk jata hu..
Dur hu na tujhse isliye aksar kuch baate yun hi chupata hu..

Kis haal me rehta hu, paise kam padhne pe kaise to bhi jee jata hu..
Par tujhe bolne ke liye bahot ghabrata hu..

isliye aksar kuch baate yun hi chupata hu..

Jaanta hu Maa tu meri har khwahish puri kar degi..
Mujhe jo chahiye wo mujhe dila degi, par uss waqt bhi mai chhuppi bhar jaata hu..
Dur hu na tujhse isliye aksar kuch baate yun hi chupata hu..

Kitna pyaar karta hu tujhse iska andaza tujhe bhi nahi hoga Maa..
Bas tujhe ye mai jata nahi paata hu..
Dur hu na tujhse isliye aksar kuch baate yun hi chupata hu..

MAA, Dur hu na tujhse isliye aksar kuch baate yun hi chupata hu..